世盃G組生死戰，新西蘭火併比利時，包尾嘅新西蘭必須贏波，先至有望出線，但礙於實力有限，勝算並唔高。至於比利時即使擁有唔少球星，但人腳老化，顯得暮氣沉沉，跨屆近4場世盃僅入1球，並且係對手擺烏龍，難怪被揶揄為「黃昏一代」。參考比利時近5場有4次總入球開3球或以下，寧願博3.5球嘅入球細。
（ViuTV 99、Now 618、616及馬會指定場外投注處周六早上11時直播）文:Mic少
比利時表現令人失望，首仗對埃及，要靠對手擺烏龍，先至逼和1比1。呢支「歐洲紅魔」上場鬥伊朗，即使全場多達23次射門，都食白果踢成0比0，可見中前場球員攻門把握力非常弱。事實上，比利時主力人腳老化問題嚴重，首席射手盧卡古已經33歲，加上剛過去球季大部分時間養傷，仍未恢復最佳狀態。
比利時中場大腦奇雲迪布尼更加年屆34歲，佢同盧卡古情況相似，近年備受傷患困擾，無復當年之勇。至於謝利美杜古、李安度杜沙特等鋒線球員，踢國家隊表現唔及球會，不宜高估。
新西蘭未夠班抗衡
另邊廂，新西蘭今屆2戰1和1負，包括被伊朗逼和2比2，上場領先之下，以1比3不敵埃及，明顯未夠班喺呢項大賽立足，就算明知今仗非勝不可，恐怕想全取3分亦有心無力，尤其係對手比利時大賽經驗豐富，控球能力強，預料新西蘭球員未必有太多觸球機會。加上比利時門將高圖爾斯屬於頂級鋼門，新西蘭唔好話要贏，估計入波機會都唔大，考慮到比利時攻擊力唔掂，就算贏波都係小勝居多，客W太熱冇肉食，入球細比較值博。
广东聘多多 gdpdd.com 广东招聘网 广东人才网 广东找工作
粤公网安备44011302004166号