英超：車仔頹勢白禮頓上盤有計_東方日報

今晚英超獨腳戲，白禮頓主場迎戰車路士。白禮頓臨近季尾再發力，近7場錄得5勝1和1負，老牌射手韋碧克頻頻有「士哥」，上場連「扭波王」三笘薰亦重拾射門鞋，火力全開，反觀車路士近期死氣沉沉，今場未踢先輸，白禮頓讓平半照捧上盤。（Now 621周三凌晨3時直播）文:邪神

車路士近況低迷，歐聯慘敗出局後成隊「謝晒」，上仗主場輸畀曼聯，聯賽累積4連敗，雖然現時仍居第6，但已被第5嘅利物浦拋離7分，爭入來季歐聯機會愈嚟愈微，而且睇走勢仲會繼續下滑，要保住歐霸盃或歐協聯席位都唔容易。

藍戰士4連敗鋒線啞火
「藍戰士」近期最大鑊係進攻死火，聯賽4場敗仗包括輸畀紐卡素、愛華頓、曼城同曼聯，全部吞蛋而且1球不入，今仗作客白禮頓恐怕凶多吉少，反彈機會不大。

「海鷗」白禮頓係近期表現最好嘅中游球隊，上場臨完場憑佐真尼奧魯達入波2比2逼和熱刺，現時排第9位，僅落後車路士1分，今場贏波就會取代「藍戰士」位置升上第6，而且今仗不但有主場之利，仲有中堅李維士鄧克停賽期滿復出，可以放膽進攻，遇着狀態奇差嘅車路士，唔贏等幾時。
广东聘多多 gdpdd.com 广东招聘网 广东人才网 广东找工作