世盃歐洲區外圍賽G組，荷蘭主場迎戰芬蘭。荷蘭雖然排小組榜首，但仲未甩開波蘭同芬蘭，現時只係領先3分唔穩陣，所以仲要繼續搶分，「風車國」火力強勁唔在講，每逢主場出擊都慣性喺早段搶攻，近6次主場5次半場開2球或以上，對住防守麻麻嘅芬蘭，今場「6分波」搶得就搶，1.5球半場大有計。（周一凌晨零時開賽）文:邪神
現時G組形勢緊湊，荷蘭5戰得13分帶出，但波蘭同芬蘭同得10分排2、3位，所以今場荷蘭對芬蘭屬於出線關鍵賽事之一，荷蘭之前作客贏過芬蘭2比0，當時半場已經攻入兩粒，今仗返主場出擊，贏面更高。
荷蘭前場火力主要來自去年轉投哥連泰斯嘅「老將」迪比，佢喺今屆外圍賽5場攻入6球，包括上場因遺失護照遲歸隊焗做後備，對馬爾他尾段落場仍然交出「士哥」，現時以53球成為荷蘭歷史射手王，呢位31歲前鋒仍然當弗，入球數字繼續有上升空間。
芬蘭防線多失波
芬蘭雖然首循環不敵荷蘭，但早前兩回合對波蘭錄得1勝1負，所以如果今場爆冷贏荷蘭，仍有一定出線機會，所以唔可以完全睇死佢哋。雖然芬蘭後防失球頗多，6戰失9球，但球隊攻力唔弱，漢諾威射手班捷文卡爾文今屆外圍賽累積3球，其拍檔巴勒莫前鋒普贊柏路亦有兩球進帳，荷蘭後防一唔小心就會失波，所以今場捧1.5球半場大之餘，3.5球入球大都可兼顧。
广东聘多多 gdpdd.com 广东招聘网 广东人才网 广东找工作
粤公网安备44011302004166号