熱身賽：山度士青年人細均力敵_東方日報

聽朝巴甲有場護級大戰，兩支近況低迷球隊山度士同青年人交鋒搶分。山度士雖然有名將尼馬壓陣，不過鋒力依然疲弱，成為今季跌落下游最大原因，今場對住同樣唔識入波嘅青年人，雙方都冇乜本錢撕破對手防線，2.5球入球細屬明智之選。（周二早上7時開賽）文:工廠仔

兩隊要護級先求不失
山度士獲尼馬回巢，點知雷聲大雨點小，球隊今季16場聯賽只係入過15球，場均入波連1球都冇，捲入降班漩渦唔令人意外。山度士就算主場出擊亦毫無霸氣，每每靠穩守搶分，所以近5場主場總入球全開2球或以下，今仗仲有中場湯馬士連干停賽，想入波難上加難。

作客嘅青年人成績同近況仲曳，近6場聯賽有5次「食白果」下輸波，加上目前排尾2，護級形勢水深火熱，作客必定屯重兵死守，希望保住1分先，對住「冇牙老虎」山度士可望頂得住，入球細相當好路。