葡超盃：班霸對決為新季揭開序幕 士砵亭賓菲加和味濃_東方日報

葡萄牙超級盃爆發，士砵亭同賓菲加對決為新球季揭開序幕。士砵亭冇咗約基利斯，進攻火力成疑，賓菲加亦有老將迪馬利亞離隊，而且嚟緊有兩回合歐聯外圍賽後顧，今場重要性相對低啲。兩軍都有不明朗因素下，加上近3次交手法定時間全部打和，不如直取和波。

（無綫myTV SUPER周五凌晨3時45分直播）文:渡邊年

士砵亭上季聯賽同葡萄牙盃都力壓賓菲加，成為雙冠王，不過頭號射手約基利斯已經轉投阿仙奴，雖然球隊仲有坦卡奧同柏祖干卡維斯，但級數始終有別，而且士砵亭過去10年只喺2021年贏過一次超級盃，似乎同呢個盃冇乜緣份。今場士砵亭唯一着數點，係近7次交手錄3勝4和不敗。

各有隱憂唔輸收貨
賓菲加陣容同樣有大變動，艾華路費南迪斯轉投皇家馬德里，迪馬利亞踢完世冠盃後重返阿根廷，同時引入戴迪等多名新援，都要時間建立默契。最現實嘅問題係，踢完今場後，賓菲加要喺歐聯外圍賽第3圈對尼斯，連葡超賽會都作出遷就，首輪聯賽安排佢哋輪空，以備戰歐聯，可知當地幾咁重視，權衝輕重下，葡超盃相對冇咁重要。

兩支葡超班霸向來各不相讓，今場各有隱憂下，法定時間唔輸畀對方都係可接受賽果，加上近3次交手，90分鐘都打和，讓球盤可以揀士砵亭受讓平半嘅下盤，不過渡邊年就貪心啲，直取約3.05倍嘅和波。