瑞典超：艾夫斯堡翻身大作戰_東方日報

瑞典超獨腳戲上演「雙堡大戰」，艾夫斯堡主場火併哥登堡，「艾堡」近期頻頻失分，已經跌出前列爭標位置，但要留意球隊主場表現唔曳，近7次主場攻入16球，為盡快重上正軌，勢必把握地利搶攻。至於哥登堡踢法重攻輕守，經常大起大落，近5場聯賽有4次總入球開3球或以上，加上早前剛敗於艾夫斯堡腳下，今場會施以強攻爭勝報仇，最好博中位數2.5球嘅入球大。（周二凌晨1時開賽）文:Mic少

艾夫斯堡原本開局唔錯，尤其是4至5月期間，一度9場聯賽贏8場，但其後無以為繼，近5場聯賽只得1勝。不過，要留意當中勝仗就係兩星期前作客以2比1擊敗哥登堡，再遇手下敗將，爭勝信心一定強，應會主攻搶分。事實上，艾夫斯堡主場發揮仍然有保證，近7次聯賽主場贏5場，合共轟入16球，有力攻破哥登堡大門。

哥登堡作客例有失球
另邊廂，哥登堡近7場聯賽取得5勝2負，包括擊敗爭標分子馬模，整體狀態不俗。問題係防守比較弱，今季踢16場聯賽已失22球，近6場作客僅1場保持清白之身，名副其實有前冇後，預料會同艾夫斯堡鬥攻，希望報番一敗之仇，可能再次出現大手交易。