韓職：水原有大志反擊浦項_東方日報

韓職周中快車，今日下午精選推介一場，浦項制鐵對ＦＣ水原。浦項制鐵近況麻麻，近兩場聯賽都輸波，捧佢場要諗清楚，不過值得留意嘅係，兩場都開大比數；ＦＣ水原現時排尾2，更加捧唔落手，但佢哋近4場全開3球或以上，預計今場多波入，捧2.5球入球大最明智。（周二晚6時30分開賽）文:邪神

主隊入得失得
浦項制鐵今季成績一般，現時排第5，落後榜首全北汽車16分，而且近況亦不濟，近5戰僅得1勝，近期錄得2連敗，分別作客1比4不敵ＦＣ首爾，上仗主場出擊兼半場領先2球下，以2比3反輸畀全北汽車，最攞命係補時4分鐘先輸烏龍球，慘被對方絕殺，嚴重打擊士氣，36歲傳奇球星奇誠庸近日從ＦＣ首爾轉投浦項制鐵，上仗「地標戰」正選上陣，最終踢到抽筋被調離場，隔咁短時間又要比賽，今場出唔出得仲係未知數。

ＦＣ水原現時排11位，成績僅好過包尾嘅ＦＣ大邱，佢哋今季21場攻入21球屬聯賽最差，不過都唔可以完全睇死佢哋，因為球隊剛於上場2比1擊敗ＦＣ光州，終止近6場2和4負不勝走勢，今場對住走下坡嘅浦項制鐵，唔係冇得打；既然兩隊近期都多入波，入球大係最佳選擇。