美職：作客硬淨 地震搶分冇蘭度_東方日報

周六早上美職，波特蘭伐木者主場迎戰聖荷西地震。由菲臘尼維利執教嘅波特蘭伐木者，目前排喺西岸前4名，不過整體表現其實未算突出；作客嘅聖荷西地震踢法硬淨，由5月至今只係輸過1場，近期作客以守為先博1分，要擊敗佢哋都唔容易。聖荷西地震今場有力搶分而回，受讓有着數，讓球客勝（+1）捧得過。（周六早上10時30分開賽）文:工廠仔

近4作客3保不失
波特蘭伐木者上個月中開始4場不勝，雖然近期連贏兩場「止血」，不過兩場都係靠絕殺反勝，過程有啲幸運成份，說服力唔太夠。再者，波特蘭伐木者主力芬尼舒文、阿利奧拿斯達等啱啱踢完國際賽，未必趕得切返嚟候命，就算踢到亦未必有十足狀態，成為今場隱憂。

聖荷西地震自5月開始狀態冒升，對上9場賽事錄得4勝4和1負，而且作客大踢穩陣波，近4場作客有3場保持不失。聖荷西地震首席射手基斯甸艾蘭高因肌肉受傷缺陣，今仗更加唔敢輕率進攻，以佢哋嘅穩健防線，有力頂住波特蘭伐木者進攻，讓球客勝（+1）抵玩。