今晚瑞典超直播場次，「4哥」佐加頓斯主場迎戰華斯特拉斯。兩隊狀態同樣弗爆，不過佐加頓斯今季特點係「客強主弱」，未必咬得入近7仗僅1敗嘅華斯特拉斯，華軍仲有得受讓，讓球客勝（+1）咪錯過。（HOY TV 76周二凌晨1時直播）文:法達斯維
佐加頓斯「客強主弱」
瑞典超之前因世盃短暫休戰，重開後最弗球隊，佐加頓斯與華斯特拉斯絕對有份。佐加頓斯喺重開後踢咗4輪取得3勝1和，包括擊敗之前聯賽一路冇輸過嘅赫根，而且有3場保持清白之身。不過要留意，佐加頓斯今季聯賽特點係「客強主弱」，6場作客取4勝1和1負，相反7次主場出擊僅獲3勝，所贏嘅全部都係中下游球隊，似乎喺自己地頭唔多順喎。
另邊廂，今季升班嘅華斯特拉斯已經站穩陣腳，單計聯賽重開後踢咗4場，同樣取得3勝1和兼3次冇失波，而3次贏波都係上半場已取得領先，由頭贏到尾，表現令人信服，查實佢哋只落後佐加頓斯1分。再睇遠啲，華斯特拉斯近7仗聯賽錄4勝2和僅1敗，非常硬淨，今仗有力全身而退，讓球客勝（+1）有計。
广东聘多多 gdpdd.com 广东招聘网 广东人才网 广东找工作
粤公网安备44011302004166号