英超：曼城歎慢板半和愛得過_星島日報

曼城會於英超今輪壓軸戰登場，周二凌晨作客愛華頓。「藍月亮」季尾仲要兼顧兩條戰線，體力要求之外，每場都要高度集中，消耗會比平時更多，領隊哥迪奧拿都要班球員就住嚟踢；另邊廂愛華頓唔係冇戰鬥力，球隊仲爭緊歐洲賽資格，主場出擊肯定同曼城死過，加上兩軍近4次交手，全部半場平分秋色，半場和諗得過。（Now 621及611周二凌晨3時直播）文:渡邊年

英超曼城同阿仙奴你追我趕，「藍月亮」仲要兼顧足總盃，上周4強對英冠球隊修咸頓，半場都只係互交白卷，更喺落後情況之下，憑住比賽尾段2個入球，先至險勝2比1殺入決賽。

由於曼城要同車路士喺5月16日爭冠，加埋中間一啲補賽，計埋今場在內，「藍月亮」12日之內要踢4場，領隊哥迪奧拿要為球隊留力，肯定唔會去得咁盡，事實上，「藍月亮」對上8場，有6次半場同對手打和，即使英超要搶3分，相信今場唔會過分急進。

愛華頓主場頂得兩嘴
愛華頓現時排11位，未計周日賽事，但其實同第6名只有4分距離，而且少踢1場，歐洲賽資格觸手可及，主場出擊當然唔會任由曼城喪攻。雖然「拖肥糖」近5場只曾1勝，但當中作客居多，球隊喺主場發揮其實唔曳，近3次主場出擊贏咗2場，加上愛華頓近4次對「藍月亮」，半場全部打和，今場絕對有能力頂住，推介半場和。

广东聘多多 gdpdd.com 广东招聘网 广东人才网 广东找工作