日職：不死鳥穩陣爭冠吼半和_東方日報

今晚日職FC東京對京都不死鳥。FC東京現排15位，近況亦麻麻，就算有主場之利亦難言穩勝；不死鳥屬爭標分子，同前列幾隊咬得好緊，為爭冠軍1分不能少，佢哋特性係穩中求勝，近5場全開半場和，下半場先發力制勝，半場和不妨再追。（無綫myTV SUPER周日晚6時直播）文:邪神

FC東京今季聯賽排名低落，上場作客湘南比馬一度憑長倉幹樹早段開紀錄，以及阿歷山大舒侯斯射入12碼領先兩粒，點知下半段連環失守，最終賽和2比2只得1分。而且捧場客要留意，FC東京踢完今場，周中就要出戰日皇盃8強對浦和紅鑽，佢哋上月中聯賽先贏過紅鑽，今場再對晉級機會唔細，對住不死鳥隨時有留力可能性。

拉費爾伊利亞斯復出交到貨
京都不死鳥喺日皇盃同日聯盃已經出局，季尾專心打聯賽，戰意高昂。事實上佢哋聯賽發揮穩定，今輪之前一度排榜首，拉費爾伊利亞斯傷愈復出，上仗即交出「士哥」，助球隊1比0小勝東京綠茵，佢亦連續兩季入球達雙位數。現時爭冠形勢緊湊，不死鳥唔敢大意，呢位巴西射手又有數胡機會，再配合不死鳥謀定後動特性，大可先捧半場和，進取啲可以玩埋半全場嘅「和客」，增加回報機會。