英超：曼城熱刺弗鬥弗大有睇頭_東方日報

今晚英超早場重頭戲，曼城主場火併熱刺。雙方上輪同樣大勝，「藍月亮」新兵雷恩達斯及卓基交出入波，加上艾寧夏蘭特起孖，重拾昔日強大火力。熱刺亦有李察利臣射入2球靚波，曼城近4次聯賽主場鬥熱刺，總入球全開4球或以上，一於再追中位數3.5球入球大。（Now 621及611周六晚7時30分直播）文:Mic少

藍月新兵勁啱使
曼城喺6月底世冠盃16強出局，開季前只踢過1場熱身賽，一度被質疑備戰時間不足，事實剛好相反，佢哋班球員獲長假休息，演出充滿朝氣，尤其新指揮官雷恩達斯繼熱身賽對巴勒莫起孖後，上場聯賽又交出入波兼助攻，協助「藍月亮」作客大勝狼隊4比0。同時間由里昂來投嘅卓基上仗後備上陣亦有「士哥」，把握力極強，新季主場首度出擊決心亦唔使懷疑。

熱刺自6月搵法蘭克執教後表現脫胎換骨，歐超盃對巴黎聖日耳門一度領先兩粒，最後互射12碼落敗已贏盡口碑。佢哋上場揭幕戰大炒般尼3蛋，李察利臣同古度斯擦出火花，面對唔算穩陣嘅曼城防線，有望搵到入波，入球騷走唔甩。