英冠：葉士域治超班客W明益你_東方日報

新一季英冠開鑼，打頭陣有伯明翰主場對葉士域治，兩隊上季仲係「差兩班」，伯明翰喺英甲以冠軍身份升班，葉士域治就喺英超降班。雖然兩軍依家同處英冠，但球員質素上仍有明顯分野，葉士域治保留大部分英超班底，季前熱身亦表現出色，今場有力打響頭炮，客勝值博。

（無綫myTV SUPER周六凌晨3時直播）文:工廠仔

上季降班嘅葉士域治主力陣容未被「拆骨」，雖然星級前鋒利安戴納離隊，但主帥基蘭麥堅拿手上仍有大批猛將，奧馬利赫捷臣、施姆迪斯、佐治靴斯等仍然在陣，加上簽入老將艾舒利楊格為球隊注入經驗，整體實力喺英冠實屬頂級。