北美聯：踢北美聯盃勁醒神 銀河上盤十拿九穩_東方日報

北美聯賽盃第3輪壓軸好戲，洛杉磯銀河對拿根亞。美職球隊銀河頭兩輪1勝1和，不過此項賽事出線條件太苛刻，銀河今場為爭出線必須全取3分，再睇同組其他球隊成績先確定能否出線，好彩佢哋今場對手係墨超「魚腩」拿根亞，銀河贏波輕而易舉，上盤讓一球、球半值得捧場。

（周五早上11時15分開賽）文:邪神

北美聯賽盃現時進行分組賽階段，美職18隊與墨超18隊按抽籤進行3場對壘，贏波3分，和波後立即互射12碼，勝出有2分，落敗有1分，每組18隊當中只有前4名方可晉級淘汰賽，爭持相當激烈。

洛杉磯銀河雖然喺美職成績低落，但嚟到北美聯賽盃表現脫胎換骨，首輪主場即以5比2大勝墨超中游分子迪祖亞拿，之後對藍十字又打和1比1，可惜互射12碼落敗，現時有4分在手，為爭出線今場非勝不可，期望繼續有好表現。

拿根亞係墨超魚腩
拿根亞上季墨超兩階段聯賽均成績墊底，今次賽事首輪1比2不敵科羅拉多急流，次輪以同樣比數不敵西雅圖海灣者，近11場1勝10負，演出差勁兼已經提早出局，相信今場對銀河難有好表現，再次大敗不足為奇。