日皇盃：櫻花甩漏冇停點讓FC東京_東方日報

今日黃昏波日皇盃第4圈有好介紹，大阪櫻花主場硬撼ＦＣ東京，櫻花近期防線錯漏百出，相反客軍近況回勇，有得受讓必捧讓球客勝（+1）。

（周三下午5時30分開賽）文:法達斯維

雖然櫻花聯賽排名遠高於ＦＣ東京，不過佢哋近5場只得2勝，其中4場都有失波，之前打吡戰輸畀死敵大阪飛腳已經好失威，上場聯賽造訪下游分子湘南比馬，就算先入波尾段都被逼和3比3，防守好有問題。

作客嘅ＦＣ東京明顯弗番，近5場取得4勝1負，反勝浦和紅鑽及FC橫濱尤其精彩，盡顯凌厲後勁，而且雙方近6次交手，ＦＣ東京取得2勝4和未輸過，無論近況或對賽往績都有保證，讓球主客和仲有得受讓咁筍，必捧讓球客勝（+1）。

鹿角鬥黃蜂半和追多鋪
夜少少仲有場鹿島鹿角對福岡黃蜂，鹿角今季演出飄忽，近6場只得2勝1和3負，場場有失波；黃蜂勝在夠穩，近4場法定時間全部打和之餘，亦全開半場和，加上雙方近5次交手4次開半和，不妨追多鋪。

（周三晚6時開賽）