熱身賽：到訪水手利物浦試陣造細_東方日報

利物浦亞洲之旅最後一站，周三造訪日本作客橫濱水手。「紅軍」今個暑假大事增兵，不過前鋒同中堅位置仍然「真空」，上場對AC米蘭慘輸2比4，球隊明顯仲試緊陣，今仗對住狀態十足嘅主隊，唔會立亂搶攻，博中位數3.5球嘅入球細好路。（HOY 76台周三晚上6時30分直播）

前鋒中堅都未有着落
利物浦今次亞洲行志在磨合新軍同演練陣式，而且為令所有球員都可以落場，上下半場多數大變陣，演出勢打折扣。「紅軍」喺中堅位置人手不足，上場要用賴恩格雲貝治客串，箭頭位置伊基迪基加盟後仍未落過場，合作性成疑，對住鬥志十足嘅主隊，未必可以有效組織攻勢。

日職依家正值季中，橫濱水手球員正處於最好嘅競技狀態，比起復操冇耐嘅利物浦肯定佔優，而且橫濱水手近期表現亦有起色，近2場聯賽贏波兼保持不失。橫濱水手踢法穩陣為先，近8場賽事總入球全開3球或以下，3.5球嘅細盤值博。