巴甲：明尼路拉布戰術吼細盤_東方日報

巴甲周五早餐波，青年人迎戰聖保羅。青年人今季表現繼續低迷，現居18位，當務之急係搶分自保，但以佢哋疲弱攻力，最佳方法係做好防守；聖保羅今季15場僅贏3場，排名同樣喺中下游，作客肯定更保守，加上近5次作客有4次上半場打和，寧願選擇半場和。

（周五早上6時開賽）文:邪神

青年人持續低迷，近10場只得1勝，其中近4場輸咗3場，3場敗仗都冇入球，佢哋最大問題係攻力薄弱，今季13戰入10球屬聯賽第2低，但失球數目高達28球屬聯賽最差，可以推斷今場對聖保羅入波機會唔大，反而要提防對手來襲，加強防守。

聖保羅作客求穩陣
至於聖保羅，上場聯賽主場以2比0擊敗哥連泰斯，終止對上5場聯賽1和4負疲弱走勢，不過暫時所見，佢哋好表現只限主場，作客發揮往往打折扣，今季聯賽作客7戰4和3負未贏過，預料今場依然踢穩陣波，以唔輸為目標，半場守和難度不大，值得一試。