日職：紅鑽鬥湘南搶分大茶飯_東方日報

今日日職獨腳戲，浦和紅鑽主場火併湘南比馬。紅鑽近期入得又失得，比馬為搶分護級亦豁出去搶攻，2.5球大盤咪錯過。（周三晚6時30分開賽）文: 法達斯維

近5次碰頭炮製22球
紅鑽今季表現一般，目前位居聯賽中游，早前出戰世冠盃3場輸晒，共失9粒，就算上場重返聯賽作客ＦＣ東京，領先下竟然反輸2比3，唔單止4連敗，仲連續5場有失波，全開3球或以上，防守欠穩問題未見改善。當然紅鑽一向都係靠主場搵食，今季11場聯賽主場贏咗8場，因此今日希望藉地利止跌，實行以攻代守。

比馬近況亦唔好得幾多，連續7場聯賽不勝，現時徘徊下游，儘管本身實力有限，但為搶分護級都要豁出去搶攻，佢哋近4場聯賽場場有失波，其中3次開3球或以上，包括上場對大阪櫻花，鬥到尾段逼和3比3，搶番1分算係有回報。雙方近5次碰頭，各勝2場及1次打和，合共炮製22個士哥，其中4次開3球或以上，今場捧入球大更划算。