女歐國：狂攻荷蘭 女三獅求生大作戰_東方日報

英格蘭女足喺「死亡D組」展開救亡生死戰，次輪大戰荷蘭女足。衞冕嘅「三獅女足」首戰輸波，今場再輸就會提早執包袱，鬥志不容懷疑，「風車女足」首戰輕取威爾斯女足，射手美迪瑪已經搵到入波，今場有望再有進帳，翻查紀錄，兩軍近4次交手，全開3球或以上，2.5球入球大必捧。（HOY TV 76台周四凌晨零時直播）文:渡邊年

「三獅女足」落筆打三更，首戰對法國女足雖然控制中場，但首先入球被球證吹走，跟住就畀法國連入2球，雖然比賽末段追番1粒，但輸1比2，喺死亡D組1分都冇，其實幾棘手。領隊威格曼首戰後，無論選人及首戰陣容都受到質疑，不過佢之前曾經長時間擔任荷蘭女足教頭，應該會有針對性部署。

荷蘭女足首戰已經展現球隊速度快同衝擊力，效力曼城女足嘅美迪瑪上仗憑個人技術射入靚波，證明狀態十足，呢名女子英超史上最佳射手，對「三獅女足」球員非常熟悉，有望繼續數胡。兩軍最近4次交手，各贏2次，而且大家都有波入，全部開3球或以上，擺明一見面就搏拳，入球大必捧。

法國半場夠開入球騷
至於同組法國女足乘勇出戰威爾斯女足。法國女足有辛迪芭爾迪摩同嘉杜圖等星級前鋒壓陣，法國女足衝擊力極強，相當擅長喺早段急攻，球隊近5場有4場上半場開2球或以上，威爾斯女足近4次對法國女足全敗，而且防守錯漏頗多，近2場比賽失掉7球，面對法國女足搶攻難以招架，1.5球半場大值得留意。（周四凌晨3時開賽）