智盃16強次回合，紐柏萊斯主場對馬加蘭斯。首回合雙方踢成1比1，今仗擁有主場之利嘅紐柏萊斯，理論上可以秤高少少，不過佢哋進攻力弱，今場係可勝不穩，睇番佢哋近5場，4次開2球或以下，轉玩2.5球入球細似乎更好。（周三早上6時57分開賽）文:渡邊年
奧達斯攻力佳再追大
紐柏萊斯首回合上半場13分鐘打開紀錄，馬加蘭斯喺補時6分鐘追和，雖然係智乙同智甲球隊對碰，但呢個1比1嘅比數，未能反映場波嘅激烈程度。上場波合共派咗10黃2紅，雙方各有一名球員被趕出場，而且紐柏萊斯曾經輸12碼，好彩門將捉到路撲走，否則保唔住和局返次回合。
翻查紀錄，紐柏萊斯近5次主場對馬加蘭斯，獲4勝1負，不過紐柏萊斯近況一般，近8場只係贏過1次，今仗投注主W有風險，睇番紐柏萊斯近5場賽事，有4次開2球或以下，對手馬加蘭斯同樣係近5場4次總入球少過3球，今場寧玩入球細。
另一場奧達斯對迪莫高體育會，奧達斯首回合領先2比1，返主場應可輕鬆再下一城，佢哋近5次主場出擊，最少入對手兩球，全開3球或以上，再追2.5球入球大。（周三清晨5時57分開賽）
粤公网安备44011302004166号