瑞典超：近4交鋒3勝馬模 地頭龍米贊比強勢派W_東方日報

今晚瑞典超重頭大戰，榜首米贊比主場硬撼馬模。米贊比今季弗到冇朋友，而且主場出擊勁惡，連贏多場氣勢強勁，加上近年碰頭唔赦馬模，主勝不容錯過。（周二凌晨1時開賽）

米贊比今季異軍突起，頭13輪聯賽贏咗9場，轟入27粒而且只失11球，可謂攻守兼備，其中6次主場出擊贏咗5場，主場成績僅次於哈馬比，但踢少兩場，單計近5次主場更加全部贏晒，其中4次上半場已取得領先優勢，包括擊敗聯賽次席哈馬比，的確係幾惡。

諾高平夠搶韁捧半大
作為傳統勁旅兼上季盟主，馬模今季表現走晒樣，各項賽事近12場只得4勝5和3負，包括喺5月尾瑞典盃決賽輸畀赫根失冠，令人失望。雖然聯賽自6月頭起，整整抖咗近1個月，但馬模依然傷兵滿營，艾歷保菲姆、祖漢達連、邦圖斯贊臣等因傷倦勤，就算從阿士東維拉簽入門將羅賓奧臣，亦唔幫得幾多。

翻查紀錄，雙方近4次正面交鋒，米贊比取得3勝1負，絕對唔怕馬模，呢類細球會通常都係打道氣，既然個勢咁旺，梗係唔會畀佢停，寧買當頭起，今場主勝分頭不俗，值得捧場。

同時間另一場，佐加頓斯主場鬥諾高平。雙方都位處中游，實力半斤八両，不過諾高平客場例搶韁，近3場作客半場全開2球或以上，入局咁快，一於揀1.5球嘅半場大。