赛前报料：西雅图海湾人vsFC奥斯汀

FC奧斯汀復勇訪弱旅穩 軍情 西雅圖海灣者上輪聯賽鬥溫哥華白帽，全程捱打，完半場先失守之餘，換邊後不久更有左閘洛侯杜奴、中堅莊拿芬貝爾接連領紅牌。門將史提芬費爾全場只曾作出2次撲救，球隊剩9人應戰下，比賽中後段再失2球，大敗收場。 FC奧斯汀上輪聯賽鬥紐約紅牛，埋門次數雖遠不及對手，但開賽早段卻憑左閘拜奴先開紀錄；上半場中段，射手班頓華斯基斯曾擺烏龍，但換邊後不久卻將功補過，攻入奠勝球，協助球隊全取3分。 西雅圖海灣者 受傷：高美斯安達迪（後衛）、金基熙（中場） 停賽：洛侯杜奴（後衛）、莊拿芬貝爾（後衛） FC奧斯汀 受傷：祖利奧卡斯簡迪（後衛）、法卡倫（前鋒） 停賽：／ 近況 西雅圖海灣者上輪聯賽0比3不敵溫哥華白帽，聯賽連敗。球隊之後出戰世冠盃卻在分組賽3戰全敗出局，近況持續低迷。FC奧斯汀上輪聯賽2比1險勝紐約紅牛，聯賽連勝，近況回勇，包括早前聯賽作客亦以2比0輕取科羅拉多急流；是役出訪近況毫無起色的西雅圖海灣者，客隊值捧。 往績 雙方近5次聯賽交手，西雅圖海灣者3勝1和1負；上次勝1比0。