歐國聯：FC洛杉磯大盤薩多鋪_東方日報

美職兩支難兄難弟交鋒，FC洛杉磯主場迎戰肯薩斯體育會，雙方近期頻頻失分，但勝在娛樂性十足，經常出現大比數交易，尤其是FC洛杉磯近4場聯賽總入球全開4球或以上。至於肯薩斯體育會近2場合共轟入6球，兩隊同屬有前冇後，最好揀中位數3.5球嘅入球大。（周一早上9時開賽）文:Mic少

FC洛杉磯推行「星戰策略」，擁有唔少球星助陣，最出名一定係「法國雙雄」門將洛里斯及前鋒基奧特，但兩人同樣年屆38歲，水準無復當年之勇；球隊整體成績麻麻，其中近8場聯賽僅有3勝5和，好大程度上因為防線脆弱，近4場聯賽有3場都係失2球，包括上輪聯賽對CF蒙特利爾，開賽22分鐘已經失2球。幸好FC洛杉磯進攻尚算不俗，先至可以逼和對手2比2執番1分，所以今仗即使有地利，勝算亦唔高。

肯體會箭頭腳風順
另邊廂，肯薩斯體育會演出亦大起大落，近2場分別打和新英倫革命3比3，以及贏侯斯頓戴拿模3比1，前鋒祖維斯腳風相當順，近4場射入4球，以FC洛杉磯弱不禁風嘅後防，恐怕難以阻擋呢位25歲塞爾維亞國腳來犯。根據「肯體會」近期走勢，預料會繼續同FC洛杉磯鬥攻，好可能又開大盤。