智甲：搶分護級先求穩 伊基克半細有回布_東方日報

周二早上有智甲獨腳戲，由科布雷素主場迎戰排包尾嘅伊基克。兩隊依家喺聯賽相差14分，不過實力其實相差唔遠，伊基克因為分心南球盃，搞到聯賽成績一落千丈，佢哋今場先求「止血」，對住狀態下滑嘅科布雷素，加強防守下應該頂得住，加上近年碰頭上半場甚少有入球，今場1.5球半場細揀得過。（周二早上5時57分開賽）文:工廠仔

科布雷素近期狀態下滑
科布雷素開季成績唔錯，目前排喺前列位置，不過最近表現開始走樣，尤其防守漏洞頗多，上場對另一隊護級份子維拿迪馬愛華頓，領先兩球都被追和。科布雷素近3場比賽都未能贏波，喺智盃亦被踢出局，球隊士氣麻麻。

作客嘅伊基克要兼顧南球盃，導致聯賽成績大跌，依家排喺包尾，今場要搶分護級，作客情況多數先求穩陣。科布雷素入球能力較弱，對住密集防線破關乏力。翻查兩隊近5次交手，半場總入球全開1球或以下，1.5球半場細抵玩。