意甲：拿玻里穩中求勝吼細盤_東方日報

意甲得番最後2輪，榜首拿玻里目前僅領先次席國際米蘭1分，今晚作客帕爾馬必定打醒精神，目標穩中求勝，佢哋近4場作客總入球全開2球或以下，博中位數2.5球入球細。（HOY TV76台周一凌晨2時45分直播）文:Mic少

拿玻里上仗兩度領先下，尾段遭熱拿亞逼和2比2，聯賽4連勝斷纜之餘，榜首優勢亦得番1分，教練干地必定「落柯打」穩陣行先，贏波就夠。佢哋近2場作客弱隊蒙沙及萊切，同樣小勝1比0而回，今仗隨時照辦煮碗。護級分子帕爾馬實力平平，難以威脅拿玻里大門，再追入球細。

國米追「素」博主Ｗ
另一場同時開波嘅國米主場對拉素，國米即使爭標形勢被動，仍會盡最後努力，爭取贏晒餘下2場，再寄望拿玻里失分。拉素同樣要搶分爭入前4，但近5場聯賽僅2勝3和，加上近6次對賽國米獲5勝1和，包括首循環狂炒6比0，主勝值博。（HOY TV77台周一凌晨2時45分直播）