澳職：西部聯先入波捧德過_市民日報

澳職季後賽開打！今日上演淘汰圈第1擊，由西部聯打頭陣主場迎戰阿德萊德聯。西部聯喺常規賽尾段重新上力，而且主場出擊一向係信心保證，今仗面對近況麻麻嘅阿德萊德聯，會藉主場威力搶頭威，西部聯嘅「第一隊入球」值得睇好。

（無綫82台周五下午5時35分直播）文:工廠仔

西部聯喺常規賽2連勝收尾，雖然未能實現搶佔前2位置嘅目標，不過球隊氣勢同士氣都唔差，可以用最好狀態迎接季後賽。西部聯主場出擊威力十足，對上5場主場全勝，而且全部都係先開紀錄一隊，當中有3場更喺比賽頭5分鐘內入波，證明佢哋係有心喺早段搶攻，趁對手未企穩陣腳先下手為強，搶韁踢法唔係咁易抵擋。

阿德萊德聯作客捱打居多
愈踢愈沉嘅阿德萊德聯，近11場賽事只得1勝，「掹車邊」入到季後賽，但係球隊依家氣氛麻麻，今場作客捱打居多。值得留意嘅係，兩隊最近3次交手，都係由西部聯先拔頭籌，今場一於博主隊嘅「第一隊入球」。