澳職：阿德萊德聯搶前6大有作為_東方日報

今日澳職獨腳戲，阿德萊德聯主場迎戰威靈頓鳳凰，「阿聯」僅落後第6位FC悉尼1分，仍然有機會取得季後賽資格，今仗應該會主攻求勝。鳳凰已經無緣季後賽，球員冇心理包袱，可以踢開放式足球，同對手駁火。加上阿德萊德聯近4場總入球開5球或以上，一於再追中位數3.5球嘅入球大。（無綫82台周五下午5時35分直播）文:Mic少

阿德萊德聯今季仲有3場常規賽，要反超前FC悉尼，打入前6位，絕對有可能。事實上，「阿聯」踢法相當進取，近4場聯賽合共轟入10球，當中有4球由前鋒阿奇葛雲射入，可見呢位20歲新星腳風非常順。不過，「阿聯」主攻嘅同時，兼顧唔到防守，近4場失17球，猶如中門大開，預料今場亦難保清白之身。

鳳凰冇包袱盡情駁火
威靈頓鳳凰排11位，餘下3場常規賽，肯定無法打入前6位參加季後賽，球員可以盡情主攻。事實上，鳳凰近期不時出現大手交易賽果，包括上場以2比3不敵墨爾本勝利。此外，鳳凰對上1次作客阿聯，打和2比2，隨時再演入球騷。