英超：心繫歐聯 阿仙奴輪換吼半和_東方日報

周日凌晨英超「倫敦打吡」，日前喺歐聯8強首回合3比0大勝皇家馬德里嘅阿仙奴，將喺主場迎戰賓福特。聯賽排次席嘅「兵工廠」喺英超爭冠渺茫，今仗肯定收起主力，對住踢法極硬淨嘅賓福特，入波冇保證，半場和值得一試。（Now 621及611周日凌晨零時30分直播）文:工廠仔

阿仙奴落後利物浦11分，依家注意力放晒喺歐聯，上輪作客對愛華頓留力下和波，今仗喺主場出擊，布卡約沙卡、馬田奧迪加特等主力多數會被收起，令原本已經唔強嘅鋒力再受削弱。事實上，阿仙奴喺傷兵滿營下，一直都係靠防守支撐，踢法甚為保守，半場拉鋸居多。

賓福特硬朗踢法頂得住
賓福特係一貫英超中下游球隊踢法，用強大體力化同硬朗踢法同列強周旋，正正就係阿仙奴最唔擅長面對嘅類型，尤其要留力歐聯避重就輕，隨時會被賓福特克制；翻查兩隊近5次交鋒，有4次喺半場打和，半場和值得再追。