沙特職：希拉爾求穩細鍊艾納斯_東方日報

沙特職重頭大戰，希拉爾主場迎戰艾納斯，兩大名牌球隊星光熠熠必有惡鬥。志切爭標嘅希拉爾近期3連勝，而且3場未失1球，防守極有保證，今仗對住作風穩健嘅艾納斯，相信兩隊都唔敢亂攻，近年交手亦係拉鋸居多，博3.5球入球細係明智之選。（Now 633周六凌晨2時直播）文:工廠仔

米祖域復出狀態成疑
希拉爾落後榜首伊蒂哈德4分，今仗對艾納斯係球隊餘下賽程最惡骾一戰，當然唔敢輕舉妄動。希拉爾王牌前鋒阿歷山大米祖域今季因傷患影響表現，早前復出後又發現心臟出現問題，近期先再次復操，佢對上3個月只踢過1場，狀態成疑。希拉爾喺米祖域缺陣後，反而更注重防守，近3場全部保持不失，防守值得信賴。

艾納斯喺意大利教頭皮奧利領軍下，防守同控球比重更高，前面就靠C朗拿度、祖漢杜蘭同沙迪奧文尼搵食，對住實力較弱球隊就主攻，但每逢踢硬仗都奉行穩陣行先政策。艾納斯近4次對希拉爾3次打和，3場總入球開3球或以下，今場博3.5球入球細好路。