意盃：國米闖關保士氣心中有素_東方日報

意盃8強國際米蘭主場對拉素，由於賽制係一場過分勝負，即使雙方都要兼顧歐洲賽，但都冇乜留力空間。國米今季勝在攻力上乘，拿達路馬天尼斯、馬古斯杜林同查漢奴古輪流發威，今季曾作客大炒拉素6比0，近5次交手獲4勝1和，推介主勝。（HOY TV 76台周三凌晨4時直播）文:渡邊年

國米今年初痛失意超盃，但其餘多條戰線仍有衝冠機會，佢哋屬歐聯意甲「獨苗」，而且16強只係對荷甲嘅飛燕諾，聯賽亦帶緊頭，依家意盃既然嚟到8強，當然唔會放軟手腳，加上如果晉級，4強就會鬥ＡＣ米蘭，有望報番意超盃落敗之仇，鬥心唔使置疑。國米今季火力強勁，聯賽26戰入59球，教練施蒙尼恩沙基唔會太過留力，始終下場聯賽要鬥拿玻里，跟手就到歐聯戰線，若然輸波出局反而會窒住道氣，主場唔會縮。

近年對賽食住拉素
拉素同樣3線作戰，佢哋歐霸盃會面對柏辛域陀尼亞，聯賽亦要爭入前4，當然計板櫈深度唔夠國米嚟，上圈荷蘭新兵諾斯連大演帽子戲法淘汰拿玻里，不過佢威完後無以為繼，難對「藍黑兵團」後防構成威脅，加上國米係拉素剋星，近5次交手錄得4勝1和，揀番主勝好啲。