意甲：科木完全體今晚萊料_東方日報

今晚繼續有意甲上演，頭場有護級大戰，科木主場對萊切。由西班牙名宿法比加斯執教嘅科木，擁有唔少具級數猛將助陣，表現漸入佳境。加上萊切近6場聯賽作客輸5場，科木正好趁機搶分，主勝被壓低至只有1.54倍，睇來真係有料到。（HOY TV 76周二凌晨1時30分直播）

萊切作客腳軟
科木今季升上意甲後，主帥法比加斯大打人情牌，吸引多位名將加盟，包括簽入前巴塞隆拿中場沙治羅拔圖，以及2位前利物浦球員後衞艾拔圖摩蘭奴、門將連拿，並向皇馬收購尼高柏斯，呢位20歲阿根廷中場新星早前對羅馬射入1球，協助科木贏2比0。

此外，鋒線亦唔嘢小，射手比洛迪3年前有份協助意大利奪得歐國盃冠軍，科木前中後三線都有經驗豐富嘅球員助陣，現時已經踢出隊形，近4場聯賽1勝2和1負，該場敗仗僅以0比2不敵勁旅國際米蘭，算有交代。

萊切現時多科木多1分，，但客勝冷到5倍，科木主勝熱至1.54倍，賠率反映科木屆時比賽，將會佔盡上風。萊切作客成績非常差，今季8場聯賽作客錄得1勝1和6負，只係贏過魚腩球隊威尼斯，今仗輸波而回好正路。