澳職：麥克阿瑟大打落水狗_東方日報

珀斯光輝主場迎戰FC麥克阿瑟。珀斯光輝上輪贏布里斯班獅吼打開勝利之門，不過仍排喺尾2位置，佢哋主場慘不忍睹嘅表現成為沉淪主因，FC麥克阿瑟要打落水狗，作客會照樣搶攻，今場開3.5球入球大機會極高。（myTV SUPER周五晚7時45分直播）文:工廠仔

珀斯光輝防線穿窿
珀斯光輝今季表現差勁，增兵又貨不對辦，哥倫比亞翼鋒基斯甸卡斯度只係踢咗3場就被解約，球迷不滿嘅聲音，似乎為球員帶嚟更大壓力，搞到主場表現極差。珀斯光輝今季主場4戰全敗，而且場場輸到好甘，4場合共被對手轟入14球，每場都輸多過1球。

FC麥克阿瑟攻守實力平均，近4場比賽1勝3和，今場對住後防穿窿嘅珀斯光輝，肯定會盡力進攻。睇番兩隊近4次對賽，總入球全部開4球或以上，今場一於追3.5球入球大。