英超：韋斯咸格食格搶Ｗ擒狼_東方日報

今晚英超獨腳戲，韋斯咸主場鬥狼隊。兩隊近況同樣低迷，兩位主帥盧比迪古同加利奧尼爾飯碗危危乎，相比之下韋斯咸質素較佳，而且往績食住狼隊，直取主勝。（Now 621周二凌晨4時直播）

富克洛復出入波添信心
韋斯咸賽前爆出米查利安東尼奧車禍消息，不過德國中鋒富克洛上場已復出，兼且拎到加盟後首個入波，配合查洛保雲及古度斯組成嘅鋒線，要攻破狼隊大門唔難。

狼隊連續兩場大敗後排喺尾2，士氣極為低落，加上守將尼爾遜施美度停賽，實力再打折扣。睇番兩隊近5次聯賽交手，韋斯咸贏咗4次，主勝好路再追無妨。文:工廠仔